7012-3339
“1072 ХУВЬЦААН МЭДЭЭЛЛИЙН ТӨВ” нээгдлээ

“1072 ХУВЬЦААН МЭДЭЭЛЛИЙН ТӨВ” нээгдлээ

“Эрдэнэс-Таван толгой” ХК нь 1072 хувьцааны арилжаа эхлэхээс өмнө иргэд, олон нийтийн хувьцааны талаарх мэдлэг, мэдээллийг нэмэгдүүлэх зорилгоор “1072 хувьцаа мэдээллийн төв”-ийг албан ёсоор ажиллуулж эхэллээ.

Тус төв нь 1072 хувьцаатай холбоотой иргэдийн сонирхсон асуултуудын хариултыг газар дээр нь өгөхөөс гадна “1072 хувьцаа мэдээллийн төв facebook хуудас” болон 1800-1072 тусгай дугаараар иргэдэд мэдээ, мэдээлэл хүргэж байна.

“1072 хувьцаа мэдээллийн төв” нь ажлын өдөр бүрийн 08.30-17.30 цагийн хооронд ажиллах бөгөөд Улаанбаатар хотын Чингэлтэй дүүрэг, 1-р хороо, Жигжиджав-8 гудамж буюу “Эрдэнэс-Таван толгой” ХК-ийн хойд байрны 106 тоотод байрлаж байна.

Монгол Улсын Засгийн газар 2012 оны тавдугаар сарын 30-ны өдөр “Эрдэнэс Таван Толгой” ХК-ийн нийт хувьцааны 20 хувь болох гурван тэрбум ширхэг хувьцааг иргэн бүрт хуваарилсан. Ингэснээр нэг иргэнд 1,072 ширхэг хувьцаа ногдож байгаа юм.

2018052103

Мэдээллийн төвийн нээлтийн үеэр “Эрдэнэс-Таван толгой” компанийн гүйцэтгэх захирал Б.Ганхуяг, “Манай компани 2018 онд 1.2 их наяд төгрөгийн борлуулалт хийх төлөвлөгөөтэй байсан. Он гарсаар 2.9 сая тонн нүүрс олборлож, 5.1 сая тонныг борлуулж, 710 тэрбум төгрөгийн орлого олсон. Энэ үзүүлэлт цааш тогтмол үргэлжилбэл бид 2018 оны төгсгөлд 1.5 их наяд төгрөгийн борлуулалт хийх боломжтой юм. Ингэснээр бид энэ онд 700 тэрбум төгрөгийн цэвэр ашигтай ажиллах магадлалтай. Компанийн зүгээс энэ оны 9 дүгээр сард Монголын хөрөнгийн биржид бүртгүүлж, 2019 оноос ногдол ашиг тарааж эхлэхээр төлөвлөн бэлтгэл ажлаа хангаж байгаа. Өнгөрсөн 7 хоногт бид “Чалко” компанид Зүүн Цанхийн уурхайн нэг тонн нүүрсээ 60 ам.доллараар борлуулахаар тохирсон бол өнөөдөр тус компаниас 60.5 ам.доллар болгосон. Нөгөөтэйгүүр, Баруун Цанхийн уурхайгаас нүүрс борлуулах нээлттэй тендерт оролцогч аж ахуйн нэгжүүд 69-69.2 ам.доллараар худалдан авах санал ирүүлсэн. Эдгээр ажлыг амжилттай хэрэгжүүлж чадвал иргэдийн гарт очих ногдол ашиг улам бүр өсөх болно” гэлээ.

2018052108

Мөн мэдээллийн төвийн нээлтэд иргэдийг төлөөлөн оролцсон Аж үйлдвэрийн гавъяат ажилтан Л.Сүхбаатар, “Улс төрийн намууд 1072 хувьцааг амилуулах ажлыг зөвхөн сонгуулийн мөрийн хөтөлбөртөө тусгаад өнгөрдөг байлаа. Харин одооноос 1072 хувьцааг амилуулах асуудал бодит ажил хэрэг болж байгаад туйлын баяртай байна. Миний хувьд 1072 хувьцаагаа хэрхэн ашиглах талаар мэдлэг, мэдээлэлгүй байсан. Өнөөдөр иргэдэд мэдээ, мэдээллийг шуурхай хүргэх, зөвлөгөө өгөх төв нээж байгаад талархаж байна” гэлээ.

Тус компанийн нийт хувьцааны 14.5 хувийг 2.5 сая иргэн эзэмшдэг. Өнгөрсөн хугацаанд ахмадуудад тэтгэмж, оюутнуудад сургалтын төлбөр хэлбэрээр олгосон, иргэдээс 300 мянган төгрөгөөр худалдаж авсан зэрэг 1072 хувьцааг хэд хэдэн удаа хөдөлгөөнд оруулсан байна. Тиймээс иргэдийн гарт хэдэн хувьцаа байгаа талаар дэлгэрэнгүй судалгааг энэ оны 9 дүгээр сар гэхэд бүрэн гаргахаар төлөвлөжээ.

“Эрдэнэс-Таван толгой” компанийн зүгээс нүүрс тээвэрлэгч жолооч нарын ажиллах нөхцлийг сайжруулах үүднээс Цагаан хадны боомтод 1000 автомашины зогсоол байгуулах болон Таван толгойн уурхайгаас 16 километрийн зайд нүүрс тээврийн компаниудад зориулсан амралт, мэдээлэл, үйлчилгээний төвийн дэд бүтцийг байгуулахад дэмжлэг үзүүлэхээр ажиллаж байгаа аж. Ерөнхий сайд У.Хүрэлсүхийн БНХАУ-д хийсэн айлчлалын үеэр хийсэн хэлэлцээрийн хүрээнд Гашуун сухайт боомтоор өдөрт нүүрс тээвэрлэсэн 400 автомашин нэвтэрдэг байсныг 950-1170 болгон нэмэгдүүлсэн байна. Ингэснээр 2019 онд 14.5-15 сая тонн нүүрс экспортод гарах боломж бүрдэнэ хэмээн үзэж байгаа юм

Видео үзэх

2018052107

mse frc ttha masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd masd